منتدى أبناء الغربــــــــــــــــــــــية
-
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكراادارة المنتدي

منتدى أبناء الغربــــــــــــــــــــــية

منتدى يهتم بالتعليم وبتدريب إنتل (دورة الأساسيات)وكل مايرقى بالإنسانيه
 
الرئيسيةالرئيسية  البوابهالبوابه  س .و .جس .و .ج  بحـثبحـث  التسجيلالتسجيل  دخول  
دعاء مأثور : «اللهم مصرف القلوب صرف قلوبنا على طاعتك» [رواه مسلم]. من قرأ آية الكرسي دبر كل صلاة لم يمنعه من دخول الجنة الا أن يموت حديث صحيح : ما من مسلمين يلتقيان فيتصافحان إلا غفر لهما قبل أن يتفرقا صححه الألباني دعاء مأثور : «اللهم مصرف القلوب صرف قلوبنا على طاعتك» [رواه مسلم]. حكمة وموعظة : يا طفل الهوى ! متى يؤنس منك رشد ، عينك مطلقة في الحرام ، و لسانك مهمل في الآثام ، و جسدك يتعب في كسب الحطام (لابن الجوزي). اعوذ بالله من الشيطان الرجيم {اَللَهُ لا إِلَهَ إلا هو اَلحي ُ القَيَوم لا تأخذه سِنَةٌ ولا نوْمٌ لَّهُ مَا فيِِ السَمَاوَاتِ وَمَا في اَلأَرْضِ مَن ذَا الَّذِي يَشفَعُ عِنْدَهُ إِلاَّ بِإِذْنِهِ يَعْلَمُ مَا بَينَ أَيدِيهِمْ ِوَمَا خَلْفَهم وَلا َيُحِيطُونَ بشَيءٍ مِنْ علمِهِ إِلاَ بِمَا شَآء وَسعَ كُرْسِيُّهُ السَمَاوَاتِ وَالأَرضِ وَلاَ يَؤُدُه حِفْظُهُمَا وَهُوَ العَليُّ العَظِيم ** شريط أهداء من منتدى مدرسة سعد زغلول الى أبناء الغربية

شاطر | 
 

 انا الراااااجل فاهمة؟

اذهب الى الأسفل 
كاتب الموضوعرسالة
فارس الخيال
مشرف
مشرف
avatar

عدد المساهمات : 2602
نقاط : 2890
تاريخ التسجيل : 15/01/2009

مُساهمةموضوع: انا الراااااجل فاهمة؟   الجمعة يناير 23, 2009 9:10 am

انا الراجل فاهمة !!!

-



لا بقى مش فاهمة ...

اه يعنى ايه انا راجل ؟؟ كلمة بتتكرر فى كل بيت وكل مسلسل وكل فيلم عربى متخلف يجيب عقم فكرى للانسان

ندى شوية مثلة بس اتحملوا معايا ...

يعنى ايه مشتغلش ؟؟ هو انا كنت بدرس ويطلع عينى ليه عشان تقولى لا متشتغليش عشان بغير عليكى ؟؟
*ايوووووووووووووة انا راجل البيت وقلت مافيش شغل يبقى مافيش زفت
يا عم يهديك يرضيك
*ابدااااااااااا انا الراجل فاهمة !!!

يعنى ايه اكتشف انك قاعدلى عالكمبيوتر تكلم دى وتهزر مع دى وتلاغى دى ازاى وانت مرتبط بيا وبتحبنى ؟؟
*وايه يعنى منا اه بحبك بس
انا راجل !!!
يعنى ايه على راسك ريشة ؟؟
*اه على راسى الف مليون ريشة ومافيش شيئ يعبنى لو كلمت مليون ست حتى
طب ترضى اعمل زيك يعنى
*كنت كسرت دماغك انتى نسيتى
انا الراجل فاهمة !!!

يا حبيبى نفسى لما نعمل فرحنا نعمله فى المكان الفلانى
*لا انا حعمله فالمكان العلانى
ليه يا حبيبى هو حكم قراقوش طب نتفاهم
*لااااااااااااااا من اولها لازم تفهمى شيئ مهم
*انا هنا الراجل الكلمة كلمتى والشورة شورتى
يعنى ايه من اولها كدا حتتحكم عالفاضى والمليان
*ايوووووووووة انتىنسيتى
انا الراجل فاهمة !!!

جاى قرفان ومش طايق روحو
مالك يا سيدى
*جابولى مديرة ست
طب وماله يعنى ؟؟
*ماله ازاى ؟؟ بقولك ست يا بنى ادمة
ايوة منا فاهمة وايه المشكلة ؟؟
يعنى ايه طب منا موجود وراجل ملو هدومى !!
هى القصة راجل وست
*اه طبعا ست يعنى بكرة تجيلنا انا تعبانه ... جوزها ضاربها علقة تطلعوا علينا... حمل وولادة وساعة رضاعة
ايه دا انت ناسى ان فى بلاد بيحكمها ستات انت بتفكر بعقليه سى السيد
*طبعا منا سى السيد انتى نسيتى
انا الراجل فاهمة !!!

رايحة لماما بكرة عشان ازورها حتيجى معايا ؟
*لأ
ليه بس يا حبيبى تعبانة ولازم تعمل واجب
*لأ مش عاوز اروح تعبان
طب يا حبيبى سلامتك الف سلامة بس افتكرها
تانى يوم لابس وخارج
رايح فين يا حبيبى
*نازل رايح لاصحابى
طب منتا قلت تعبان وعشان كدا مش حتيجى معايا نزور ماما
هو انا عمرى قصرت مع اهلك ابدا ؟؟
*وهو انتى تقدرى تقصرى ؟؟
اه اقدر بس براعى خاطرك زى ما المفروض تراعى خاطرى
*لا يا ستى انا كدا بمزاجى اروح مروحش بكيفى
ليه على راس اهلك ريشة يعنى ؟
*ايوة لانهم اهلى
ولانى انا الراجل فاهمة !!!


من الاخر انا الراجل بقت ماركة مسجله لاى شيئ غلط من حق الرجل الشرقى يعمله ومفترض انه بس له الحق فى كدا مدام الريشة الحمرا فوق دماغه
ختم الصلاحية لاى شيئ واى تصرف موجود

ساعات بحتار من تصرفات الرجالة بجد !
وبسأل ايه مفهوم الرجوله فى وجهة نظرهم ؟؟

الرجولة حرية مطلقة بدون حدود

يعرف دى ويكلم دى ويسبل لدى ويعمل شات مع مليون واحدة ومحدش حقه يعترض مهو الراجل ؟؟
من حقه يتحكم الست تشتغل ولا لأ بحجة غيرة وهبل وعبط واللى تعترض وقعتها مهببة مهو الراجل قال لأ يبقى لأ
من حقه يحكم على مراته تعرف الصديقة دى ومتعرفش دى بس عشان خاطر مزاجه هو ؟؟
من حقه يقرف خطيبته ويطلع عنيها على مبدأ ادبح القطة من اولها ؟؟
من حقه يزعل ويخربها لو ست بقت مديرته مش لانها اقل كفاءة لأ لانها بس ست ؟؟
من حقه يهدد حبيبته كل شوية انه حيعرف عليها ميت ست ؟؟؟
مهو الراجل ابو ريشة على راسه ؟؟؟

امثلة يااااااااااما بشوفها واسمعها واعيشها بتثبت ان الراجل حسب المفهوم الشرقى المتخلف يعانى من مركبات نقص رهيبة بداخله

بتأكد كل يوم ان الرجل الشرقى مازال الانسان الغير متحضر بداخله

نفسى نفسى اشوف انسان فى الشرق التعيس يحترم الست بالكلام والفعل
مش فالحين غير فالكلام وبس

نفسى اوعى قبل ما اموت على راجل ميتصرفش غلط ويكون مبرره وايه يعنى منا راجل !!

الرجل الشرقى يعيش ويتنفس بازدواجية

يحل لنفسه كل شيئ ويحرم على الانثى كل شيئ
اكثر الرجال قابلتهم فى حياتى يقولون ويتشدقون بحرية المراة فى كل شيئ

بس وقت الجد .......
انا الراجل فاهمة !!!
مع تحياتى.
الرجوع الى أعلى الصفحة اذهب الى الأسفل
تيتو
مشرف
مشرف
avatar




عدد المساهمات : 2631
نقاط : 2655
تاريخ التسجيل : 03/01/2009

مُساهمةموضوع: رد: انا الراااااجل فاهمة؟   الجمعة يناير 23, 2009 12:35 pm

واضح انك متحامله جدا علي الراجل ونسيتي ان في مجتمعنا عادات وتقاليد ودين بتضبط التصرفات سواء للرجل او المراه وماذكرتيه ما هو الا سلبيات لبعض نماذج من الرجال واضح ان الحال تبدل والصوره تغيرت تماما ولاوجود لمعظم تلك الامثله من الرجال الا القليل ومثل ماهنالك امثله لسلبيات الرجل هناك مئات الامثله لسلبيات المراه مش عايز ادخل في تفاصيل ممكن تزعل مني بعض الاخوات الافاضل ولكن كلنا يعلم جيدا سلبيات وايجابيات الرجل والمراه معا ولكن الاهم هو ان نجد حلول لهذه الافات وعموما هو موضوع جيد ويستحق المناقشه ولنعتبره موضوع لهذا الاسبوع مطروحا للنقاش لكل الاخوه الاعضاء لابداء الراي ومشكوررررررررررررررررره عالموضوع جزاكي الله خيرايلا سلام بقي
الرجوع الى أعلى الصفحة اذهب الى الأسفل
الأستاذه
المدير العام
المدير العام
avatar

عدد المساهمات : 4137
نقاط : 4604
تاريخ التسجيل : 10/12/2008

مُساهمةموضوع: رد: انا الراااااجل فاهمة؟   السبت يناير 24, 2009 9:47 pm

يا ماما خلاص


الرجاله ماتوا فى الحرب



اللى بتقوليه دا بقايا المسلسلات القديمه


العمليه إتخنقت وباقت ممله



والست اللى جوزها يعمل معاها كده هى اللى تستاهل


جوزك على ما




تعوديه ولا إيه
الرجوع الى أعلى الصفحة اذهب الى الأسفل
http://sonsofgharbia.ahlamontada.com
lala
عضو ذهبى
عضو ذهبى
avatar

عدد المساهمات : 625
نقاط : 548
تاريخ التسجيل : 22/01/2009

مُساهمةموضوع: رد: انا الراااااجل فاهمة؟   السبت يناير 24, 2009 10:26 pm

لا والله يا أستاذه


لسه فيه من النماذج دى كتير فى بيوتنا للأسف


والمشكله إنهم لا يقبلوا النقاش


ومع وجود الولاد


الواحده بتستحمل وخلاص

هتعمل إيه
الرجوع الى أعلى الصفحة اذهب الى الأسفل
 
انا الراااااجل فاهمة؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أبناء الغربــــــــــــــــــــــية :: نص الدنيا :: صحتك وصحه الأسره-
انتقل الى: