كيف نجعل منتدانا مميز ،، وكيف تصبح عضو محبوب

الأعضاء والضيوف الكرام
مرحبا بكم فى المنتدى ولكن لدى بعض الكلمات اريد ان اوصلها لكم عبر المنتدى .......

* ما هو المنتدى ... *

المنتدى هو بيتك الثانى وفيه اصدقائك واخوانك يشاركون معك فى المعرفه والعلم ويفرحون لفرحك ويزعلون لزعلك
وفى هذا الوقت كثرت المنتديات وصار هناك سباق للمنتديات وكل عضو يتمنى أن يكون منتداه هو الافضل ويتفاخر به بين اصدقائه
فكيف نجعل منتدانا هو الافضل ؟؟؟
الحل بسيط ===> الوصفه العلاجيه

*أولا : ((تشجيع الاعضاء الجدد ))

هذه هى البدايه وانت اكيد تتذكر اول يوم جيت فيه المنتدى وكتبت موضوع وكم تمنيت يرد عليه الكل ،، وبتشجعينا للأعضاء الجدد فنحن نحثهم على الابداع فمن هنا سيخرج لنا كتاب رائعين فى الادب وفى الشعر وكتاب متميزين فى اى مجالات آخرى والعضو اللى دايم يكون الأول فى الترحيب ،، حبيب وقلبه طيب

* ثانيا : ((قبل أن تكتب اى موضوع فى اى قسم معين يجب عليك أن ترد على موضوعين او ثلاثه او اكثر ))
وهذا شئ مهم جدا لان التواصل بين اعضاء المنتدى وتشجيعهم واى عضو يفرح بكل رد على موضوعه ويحثه على الابداع اكثر فاكثر وانت اذا رديت على مواضيعهم الكل بيرد عليك وعلى مواضيعك اذا كان يستحق...
والعضو الدايم فى الرد على مواضيع الاعضاء يسمى "محبوب الكل "

* ثالثا : ((الكلمه السحريه ))

وهيا ان تكتب كلمه "شكرا على هذا الموضوع " كلمات قليله لن تتعبك او تنقص من قدرك او كبرياءك المزيف كثير ما نرى مواضيع عدد قرائتها فوق السبعين والثمانين ومن هؤلاء فقد يرد على صاحب الموضوع واحد او اثنين واكثر الاحيان تجد الموضوع خالى من اى رد ،،،
يعنى انت عايز الكل يرد على موضوعاتك وانت ما شاء الله عليك مش بتكلف نفسك وترد على حد او تطرح وجهه نظرك لصاحب الموضوع ...اذا لماذا تشارك وتتعب نفسك ؟؟؟

* رابعا : (( التواصل بين الاعضاء ))

التواصل بين الاعضاء فى الافراح نهنيهم وفى الاحزان نواسيهم ونقف جمبهم " تخيل نفسك مريض او مسافر حتى اهلك ممكن ما يعرفوش عنك حاجه ،، وتيجى المنتدى والكل مشتاقين لك ويسألون عنك ،، اكيد بتطير من الفرحه ومحدش بيكون قدك " ويسمىالعضو اللى دايم يسأل عن الاعضاء ،، طيب القلب

*** وأخيرا ***

المنتدى ليس بعدد اعضائه ،،، بل بترابط اعضائه كأسره واحده وكما قال رسول الله صلى الله عليه وسلم " مثل المؤمنين فى توادهم وتعاطفهم كمثل الجسد الواحد اذا اشتكى منه عضو تداعى له سائر الجسد بالحمى والسهر " وقوله عليه السلام " المؤمن للمؤمن كالبنيان يشد بعضه بعضا "

ايها الاحبه لنبنى هذا المنتدى على المشاعر الطيبه بالإضافه إلى خليط من المحبه والتقدير والاحترام ....

والرغبه فى الحصول على المنفعه والفائده والنتجيه الحسنه ....
واتمنى لكم التوفيق والنجاح دائما وتحياتى لجميع اعضاء المنتدى

لالالالالا بجد كده انا هزعل من الاعضاء ولا مواضيعى مش كويسه ممكن احذفه لو معجبش حد
عايزين الردود

ايوه كده يااستاذه
نفسنا حد يحمسنا كده ويفتح نفسنا لمواضيع جديده
شكرا يااستاذه على ردودك وعلى تعليقك الجميل
وبتمنى من ربنا نكون عند حسن ظنك بنا
ونورتى الموضوع يااستاذه ربنا يبارك فى
حضرتك وتفرحى بولادك

الاستاذه الفاضله ......... امانى جزيت خيرا على مرورك وبارك الله فيكى
واحنا مقدرين ظروف المعلمين والمعلمات ربنا يكون فى عونكم جميعا بس مش تبدأ الدراسه وتنسوا اخواتكم اللى فى المنتدى نفسنا دايما نطمن على بعض
ونحس ببعض احنا كلنا اخوات فى المنتدى مش عايزين اكتر من مرور واحد بس كل يوم نعرف ان كل الاعضاء بخير وبصحه جيده
ومره تانيه مشكوره على مرورك وردك الرائع وربنا يوفق الجميع الى ما يحبه ويرضاه

الاخت المتميزه ......lala مشكوره على الرد والتعليق واتمنى يكون التواصل دايما بين الاعضاء ومينقطعش ابدا
وربنا يعينك على الدراسه ويوفقك الى ما يحبه ويرضاه ويجعل مثواكى الجنه باذن الله

الله على الصور اللى هتخلى فعلا منتدانا اجمل منتدى والمتميز
وجميل اوى الترابط اللى فى الصور شكرا للاخت الفاضله
لطيفه على تعليقك وردك ومنتظر المزيد من تعليقات
الاعضاء اللى فعلا بيحسوا انهم وسط اخوانهم
واخواتهم فى المنتدى جزاكى الله خيرا
وبارك الله فيكى وفى اعمالك