الأفراح تعم الشوارع المصرية بعد الفوز على الجزائر

صحيح أهو دي آخر نكتة.. علم مصر .. "صنع في الصين".. بس والله برافو يا أستاذة انك عملتيه.. لكن المشكلة دلوقت حانرفعه امتى ، ما خرجنا خلاص .. :!:
عموما ملحوقة، الواحد لازم يكون متفائل ، احتفظي بيه لكاس العالم اللى جاي ان شاء الله تكون فرصتنا أفضل .. بس تعرفي يا أستاذة ، الواحد على قد ما كان نفسه مصر تكسب ، على قد ماكان خايف على المصريين اللى هناك في الجزائر لو ده حصل ، برضه احنا مختلفين ، المصريين بطبيعتهم مش شعب مؤذي ، لكن يا عالم غيرنا كان ممكن يعمل معانا إيه ، مين عارف ! انا باقول يمكن قضا أخف من قضا ، وربنا ستر على المصريين اللى هناك .. والعلم عند الله ..
أما على ذكر سيرة الأعلام بقى .. عندي فكرة ظريفة للأطفال ..فأنا أذكر شخص معرفة ، كان بيحب الرسم ، والأعمال الفنية ، وكان وهو صغير بيجمع عصيان المصاصات ، ويجيب ورق أبيض يقصه على شكل مستطيل طويل ، ويرسم عليه العلم ، ويلصقه على عصاية المصاصة من الناحيتين داير مايدو ، يعنى بحيث إن العلم يكون ظاهر من الناحيتين ، وعمل منه أعداد كتير ووزعها في كل مكان ، الفكرة كانت بسيطة جدا ، بس كان فيها إحساس عالي بالوطنية ، وكمان نموذج لتمضية الوقت في شئ له قيمة وغير مؤذي أو مزعج ، فيها إيه لو علمنا أطفالنا الصغيرين يعملوا حاجات زي كدة؟ منها يسلوا وقتهم ، ومنها يعرفوا العلم ، لأني فوجئت بأن فيه أطفال من الأجيال الجديدة .. ماتعرفش علم مصر.. مع انهم بيحيوا العلم في المدرسة كل يوم.. تخيلي ..
لكن برغم كل شئ .. بنحبها ، وحانفضل نحبها .. وتحيا مصر